ASOCAIRE - Asociación
Independiente pa Recuperar
Embargos de Salarios
La esperiencia vivida pol promotor de la idea (y, de la mesma, de la nuesa Asociación), quien nos últimos años sufrió diversos embargos sobre'l so salariu, consiguiendo en tolos casos, y n'interponiendo los correspondientes recursos, faer trunfar les sos tesis. Ello supunxo que tales embargos tuvieren que ser anulaos y devueltes les cantidaes indebidamente embargaes.
La reiteración nestes acciones dexónos la constancia de qu'esisten graves erros d'interpretación al aplicar lo qu'establez la Llei pa llindar los embargos sobre prestaciones salariales. Por ello, decidimos utilizar esti mediu pa poner a disposición pública y con calter totalmente gratuitu nueses esperiencies nesti ámbitu, col ánimu y na seguridá de qu'ello va sirvir pa emprestar una importante ayuda a les persones que se vean somorguiaes involuntariamente nesta ingrata situación.
Ye bien importante aprofiar que, pa protexer los sos ingresos, la llei establez ciertes llimitaciones, asegurándo-y EL SO DERECHU A PERCIBIR UNA CANTIDÁ MÍNIMA inviolable, estendiendo tal protección, dende la so nómina hasta'l depósitu de la mesma na so cuenta corriente bancaria.
Y NÓS QUEREMOS AYUDAR A SALVAGUARDAR ÉSTI DERECHU.
